#1 - Wer sind mir, Schuelziit & Barcelona

Es isch sowiit, die erst Folg isch dusse.


dBoys redet drüber wer sie sind und teiled Erfahrige us ihrere
damalige Schuelziit. De Dave prahlt ganz selbstbewusst über sini
Töffli Kenntnis, während de Schmitti (Sandro) drüber redet wie er
sich dFresse anere Rutschbahn ufghaue het.


Alles i allem geili Rückblick wo dir sLebe vode Jungs mal churz
es bizli nöcher bringt.





Wiiter redet sie drüber wie sie sich über de Weg gloffe sind, wie
die erst Gruppereis sie prägt het und wie sie das ganze enger
zemegschweisst het.





Zum Schluss wird ahgschnitte was ihri Ziel sind mit dem Podcast
und wo das sie gnau hi wend demit.





Viel Spass bide erste Folg!


Liebie Grüess Dave & Schmitti