1.1. “Jeu crei schizun igl uestg da Cuera benedess nossa lètg.”

Anton (33) lavura sin igl uffezi civil, ei homosexuals e
catholics. En quella episoda da “miu coming-out” raquenta el, co
el vegn da cumbinar quei.


Carschius si ei Anton a Lumbrein, in vitget en Val Lumnezia da
rodund 400 habitonts. Sefatg en l’emprema gada ch’el savessi
esser schwuls ha el cun circa 13 onns. Lu numnadamein, cu el
mirava pli ditg sin il “blut” che sin la “blutta” dil Bravo. Da
quellas uras deva ei denton aunc negin internet sco oz ed er
negina autra persuna homosexuala ella val ch’el havess saviu
dumandar per cussegl, aschia che Anton ha stiu anflar sez sia via
- respectiv: cun agid da Diu. Anton ei fetg cartents e s’engascha
per la baselgia catholica. El seigi il meglier exempel
persuenter, che quei mondi bein da cumbinar quellas duas caussas
sin l’emprema egliada cuntradictoricas. Co el fa quei en siu
mintgadi, raquenta el en quella episoda da “miu COMING-OUT”.


www.mis-coming-out.com