Fall gelöst | Tatort Ep. 982 – Mia san jetz da wo's weh tut

Wann da Ivo Batic oam o'droht, dass a eam 's Herz ausreisst,
da muas scho arg wos am kocha sei do in Münga. Es gähd um a doude
Asphaltschwoibn. Und wia wann des no nix warad, schaugts so aus,
ois hättn de Herrn an Foischn aigschbaad. Des ois haargenau zum
fünfazwanzigstn Jubiläum. Ja Himmi, Oarsch und Zwirn, do legst di
nieder.


De Herrn Podcaster lossn si ned lumpn und reagian auf den Saustoi
in Minga mit iam eign'n Duacharanand, wia ma's hoid kennt. Aber
strukturiat! Inhoit, Hintagründ, Mannderl und Weibsbuida voa da
Kamera. Ois kimmt aufn Prüfstand. Dass da oane oder anderne a
Jubiläumshoibe meara dringt, des hoit natürli neamands davo ob,
dass ma a recht gewissnhafte Berichterstattung macht. Oiso
nachad, vui Spaß!