#13 - Auge mache & Ozempic City Madness

Mach keine Augen Brudi und vergiss ned Mashallah sege nachdem mer
es Kompliment geh hett, will Achtung, süsch machsch de Lüt Auge!
Mir diskutieret s’Phänomen vo Auge mache und woher die ganze
Bedütige, Mythene und aktuelli Jugendsprüchli überhaupt
herechömed. Söll mer niemertem meh verzelle, wenn eppis guet
lauft? Lauft s’Lebe besser, wenn mer sini Erfolg für sich
phaltet, will denn ebe niemert chan Auge mache? Abgno z’ha giltet
als Erfolg, s’Abneh selber aber leider ned. Ozempic isch in aller
Munde und das teils bide Lüt, wo ned uf d Medikament us
medizinischi Sicht agwiese isch. Söttet Liefergengpäss vo
überlebenswichtigi Medis für bedürftigti Patiente geduldet werde,
demit anderi ihri Gwichtsabnahm-Wahn mit nasty Side-Effects chönt
wiitertribe? Daaaaas und ganz viel meh ide neui Folg!